Kangana Ranaut: నాపై రూమర్ల వల్లే పెళ్లి చేసుకోలేకపోయాను: కంగనా రనౌత్

తన విషయంలో వదంతులు వ్యాప్తి చేస్తుండడం వల్లే తాను వివాహం చేసుకోలేకపోయినట్టు బాలీవుడ్ నటి కంగనా రనౌత్ అన్నారు. ఈ వదంతులే తనను సరైన జోడీని గుర్తించకుండా అడ్డుపడినట్టు ఆమె నవ్వుతూ చెప్పారు. కంగన నటించిన గూఢచార, యాక్షన్ ఆధారిత 'ధాకడ్' సినిమా త్వరలో విడుదల కానుండడం తెలిసిందే. 

నిజ జీవితంలోనూ టామ్ బోయ్ మాదిరిగానే ఉంటారా? అంటూ ఓ ఇంటర్వ్యూలో భాగంగా కంగనా రనౌత్ ఒక ప్రశ్న ఎదుర్కొంది. దీనికి ఆమె నవ్వుతూ.. ‘‘నేను అలా ఉండను. నిజ జీవితంలో నేను ఎవరిని కొట్టాను? చూపించండి. మీ లాంటి వ్యక్తులు ఈ తరహా పుకార్లను వ్యాప్తి చేయడం వల్లే నేను పెళ్లి చేసుకోలేకపోయాను’’ అని ఆమె బదులిచ్చారు. 

కఠినంగా ఉంటారన్న అభిప్రాయం వల్లే పెళ్లి చేసుకోలేకపోయారా? అని అడగ్గా.. 'అవును నేను అబ్బాయిలను కొడతానన్న పుకార్లు వ్యాపించడం వల్లే' అని ఆమె చెప్పారు.