Kohli: గోల్డెన్ డకౌట్ తర్వాత కోహ్లీ ముఖకవళికలు .. వీడియో ఇదిగో!

ఆర్సీబీ మాజీ కెప్టెన్, ప్రస్తుత సభ్యుడు అయిన విరాట్ కోహ్లీ తన పేలవ పనితీరును కొనసాగిస్తున్నాడు. ఈ సీజన్ లో మూడో గోల్డెన్ డకౌట్ నమోదు చేశాడు. బ్యాట్స్ మ్యాన్ మొదటి బంతికే అవుట్ కావడాన్ని గోల్డెన్ డకౌట్ గా చెబుతారు. ఈ విషయంలో కోహ్లీ రికార్డులు సృష్టిస్తున్నాడు. ఆదివారం సన్ రైజర్స్ తో జరిగిన మ్యాచ్ లో మొదటి బంతికే కోహ్లీ పెవిలియన్ బాట పట్టాడు.

ఆ తర్వాత డగౌట్స్ లో కూర్చొని కోహ్లీ తనలో తానే వెర్రి నవ్వు నవ్వుకోవడం కెమెరాల్లో రికార్డు అయింది. కోహ్లీ తాను అవుట్ అయిన తీరుపై తనకు తానే సిగ్గుపడుతున్నట్టు ముఖ కవళికలు చెబుతున్నాయి. కోహ్లీ వికెట్ ను జగదీశ సుచిత్ తీశాడు. ఈ సీజన్ లో కోహ్లీ మరీ దారుణమైన ఫామ్ కొనసాగిస్తున్నాడు. 12 మ్యాచులకు గాను అతడు చేసిన స్కోరు 216 పరుగులు మాత్రమే. కెప్టెన్ గా తప్పుకున్నా.. అతడి ఆట కుదురుకోలేదని తెలుస్తోంది.