Union Home Minister: సౌర‌వ్ గంగూలీ ఇంట అమిత్ షా డిన్న‌ర్‌

ప‌శ్చిమ బెంగాల్ ప‌ర్య‌ట‌న‌కు వెళ్లిన కేంద్ర హోం శాఖ మంత్రి అమిత్ షా... ఆ రాష్ట్ర రాజ‌ధాని కోల్‌క‌తాలో బీసీసీఐ అధ్య‌క్షుడు సౌర‌వ్ గంగూలీ ఇంటికి వెళ్లారు. రెండు రోజుల ప‌ర్య‌ట‌న నిమిత్తం కోల్‌క‌తాకు చేరుకున్న అమిత్ షా... శుక్ర‌వారం రాత్రి న‌గ‌రంలోని గంగూలీ నివాసానికి వెళ్లారు. త‌న ఇంటికి వ‌చ్చిన అమిత్ షాకు గంగూలీ సాద‌రంగా ఆహ్వానం ప‌లికారు. ఆ త‌ర్వాత బీజేపీ నేత‌ల స‌మ‌క్షంలోనే ప‌లు అంశాల‌పై వీరిద్ద‌రూ చ‌ర్చించుకున్నారు. ఆ త‌ర్వాత గంగూలీ ఇంటిలోనే ఆయ‌న‌తో క‌లిసి అమిత్ షా రాత్రి విందు చేశారు. పూర్తి శాకాహార పదార్థాలను మాత్రమే డిన్నర్లో వడ్డించడం జరిగింది.