లోటస్ పాండ్ లో వైఎస్ విజయమ్మను కలిసిన మంత్రి రోజా
- ఇటీవల మంత్రిగా బాధ్యతలు అందుకున్న రోజా
- నేడు విజయమ్మ నివాసానికి రాక
- సాదరంగా స్వాగతించిన విజయమ్మ
- రోజా అంటే తమ కుటుంబానికి ఎంతో ప్రేమ అని వెల్లడి
ఈ సందర్భంగా పార్టీ కోసం రోజా పాటుపడుతున్న తీరు పట్ల విజయమ్మ అభినందించారు. రోజా పార్టీ కోసం, పార్టీ అధినాయకత్వంపై నమ్మకంతో ఎంతో నిబద్ధతతో కష్టపడుతుందని కొనియాడారు. ప్రతి నేతకు ఉండాల్సిన లక్షణం ఇదేనని గతంలో వైఎస్సార్ చెప్పిన మాటలను విజయమ్మ ఈ సందర్భంగా గుర్తుచేశారు.
అంతేకాదు, రోజా అంటే సీఎం జగన్ కు, వైఎస్ కుటుంబానికి ఎంతో ప్రేమ ఉందని తెలిపారు. భవిష్యత్తులో రోజా మరింత ఉన్నత శిఖరాలు అధిరోహించాలంటూ విజయమ్మ ఆశీర్వదించారు.
