Raj Bhavan: హైదరాబాద్ రాజ్ భ‌వ‌న్‌లో ఉగాది వేడుక‌లు.. గైర్హాజ‌రైన సీఎం, మంత్రులు

తెలుగు సంవ‌త్స‌రాది ఉగాదిని పుర‌స్క‌రించుకుని తెలంగాణ రాజ‌ధాని హైద‌రాబాద్‌లోని రాజ్ భ‌వ‌న్‌లో ఆ రాష్ట్ర గ‌వ‌ర్న‌ర్ త‌మిళిసై సౌంద‌ర‌రాజ‌న్ ఆధ్వ‌ర్యంలో శుక్ర‌వారం ఉగాది వేడుక‌లు జ‌రిగాయి. ఈ వేడుక‌ల‌కు బీజేపీ ఎమ్మెల్యే ర‌ఘునంద‌న్ రావు, మ‌హారాష్ట్ర మాజీ గ‌వ‌ర్న‌ర్ సీహెచ్ విద్యాసాగ‌ర్ రావు, సీపీఐ నేత చాడా వెంక‌ట్ రెడ్డిలు హాజ‌ర‌య్యారు.

అయితే అనూహ్యంగా ఈ వేడుక‌ల‌కు సీఎం కేసీఆర్ గానీ, ఆయ‌న కేబినెట్‌లోని మంత్రుల్లో ఒక్క‌రంటే ఒక్కరూ హాజ‌రు కాక‌పోవ‌డం గ‌మ‌నార్హం. ఏ కార‌ణం చేత వీరు రాజ్ భ‌వ‌న్ ఉగాది వేడుక‌ల‌కు హాజ‌రు కాలేద‌న్న విష‌యంపై స్ప‌ష్ట‌త లేదు.