రాకేశ్ టికాయ‌త్‌ను చంపేస్తామంటూ బెదిరింపులు

రైతుల హ‌క్కుల కోసం పోరాడుతోన్న బీకేయూ నేత రాకేశ్ టికాయ‌త్‌ను చంపేస్తామంటూ గుర్తు తెలియని వ్య‌క్తి బెదిరించాడ‌ని పోలీసుల‌కు ఫిర్యాదు అందింది. ఓ గుర్తు తెలియ‌ని వ్య‌క్తి  ఫోన్ చేసి ఈ బెదిరింపుల‌కు పాల్ప‌డ్డాడ‌ని బీకేయూ నేత పెర్జివాల్ త్యాగి చేసిన‌ ఫిర్యాదు మేర‌కు పోలీసులు ద‌ర్యాప్తు ప్రారంభించారు. 

టికాయ‌త్‌ను ఆ గుర్తు తెలియ‌ని వ్య‌క్తి తిట్టిన‌ట్లు ఉత్త‌ర‌ప్ర‌దేశ్‌లోని ముజ‌ఫ‌ర్ న‌గ‌ర్‌ పోలీసులు వివ‌రించారు. సివిల్ లైన్స్ పోలీసు స్టేష‌న్‌లో ఫిర్యాదు న‌మోదు చేసుకున్న‌ట్లు తెలిపారు. ఇప్ప‌టికే ఎస్ఐ రాకేశ్ శ‌ర్మ నేతృత్వంలోని పోలీసుల బృందం టికాయ‌త్ ఇంటికి వెళ్లింద‌ని, ద‌ర్యాప్తు ప్రారంభించింద‌ని వివ‌రించారు.