Telangana: తెలంగాణలో క్రమంగా తగ్గిపోతున్న కరోనా యాక్టివ్ కేసులు... తాజా బులెటిన్ ఇదిగో!

తెలంగాణలో కరోనా వ్యాప్తిపై ప్రజారోగ్య శాఖ తాజా బులెటిన్ విడుదల చేసింది. రాష్ట్రంలో రోజువారీ కేసుల సంఖ్య తగ్గిపోతుండడంతో యాక్టివ్ కేసుల సంఖ్యలోనూ తగ్గుదల కనిపిస్తోంది. గత 24 గంటల్లో 24,848 కరోనా పరీక్షలు నిర్వహించగా, 81 మందికి పాజిటివ్ గా నిర్ధారణ అయింది. అత్యధికంగా హైదరాబాదులో 35 కొత్త కేసులు నమోదయ్యాయి. 

అదే సమయంలో 123 మంది కరోనా నుంచి కోలుకున్నారు. కొత్తగా మరణాలేవీ సంభవించలేదు. రాష్ట్రంలో ఇప్పటివరకు 7,90,499 మంది కరోనా బారినపడగా, వారిలో 7,85,565 మంది ఆరోగ్యవంతులయ్యారు. ఇంకా 823 మంది చికిత్స పొందుతున్నారు. ఇప్పటిదాకా కరోనా ప్రభావంతో 4,111 మంది మరణించారు.
.