Ram Gopal Varma: బాలీవుడ్ దర్శకుడిపై రామ్ గోపాల్ వర్మ ప్రశంసలు

ఎప్పుడూ ఎవరినీ అంత ఈజీగా మెచ్చుకోని సినీ దర్శకుడు రామ్ గోపాల్ వర్మ ఓ బాలీవుడ్ డైరెక్టర్ పై ప్రశంసల వర్షం కురిపించారు. ఆ దర్శకుడు ఎవరంటే వివేక్ రంజన్ అగ్నిహోత్రి. జమ్మూకశ్మీర్ లో చోటు చేసుకున్న దారుణాలపై 'ది కశ్మీర్ ఫైల్స్' చిత్రాన్ని వివేక్ తెకకెక్కించారు. ఈ చిత్రం విమర్శకుల ప్రశంసలను కూడా అందుకుంటోంది. 

ఈ నేపథ్యంలో వివేక్ పై ఆర్జీవీ ప్రశంసలు కురిపించారు. ఎంతో వివాదాస్పదమైన 'ది కశ్మీర్ ఫైల్స్ కథను వివేక్ ధైర్యంగా తెరకెక్కించారు. ఈ చిత్రం ద్వారా ఆయన బాలీవుడ్ ను పక్కకు నెట్టేసి... కొత్త తరం ఫిల్మ్ మేకర్స్ ని సృష్టించే విధంగా వివేక్ వుడ్ ని తీసుకొచ్చారు. కొత్త తరం ఫిల్మ్ మేకర్స్ రావడమనేది ఈ సినిమా సాధించిన గొప్ప విజయమని అన్నారు.