Tamilisai Soundararajan: ఆ బాధ ఎలా ఉంటుందో నాకు తెలుసు... నటి సాయిపల్లవి అంశంపై గవర్నర్ తమిళిసై స్పందన
- శ్యామ్ సింగరాయ్ చిత్రంలో దేవదాసిగా సాయిపల్లవి
- నల్లగా ఉందంటూ తమిళ మీడియాలో కథనం
- గతంలో తనను కూడా విమర్శించారన్న తమిళిసై
నేచురల్ స్టార్ నాని హీరోగా వచ్చిన శ్యామ్ సింగరాయ్ చిత్రంలో సాయిపల్లవి దేవదాసిగా కనిపించింది. ఈ సినిమాలో ఆమె పాత్ర పేరు మైత్రి. ఆమె నటనకు విమర్శకుల ప్రశంసలు కూడా లభించాయి. కాగా, తమిళ మీడియాలో సాయిపల్లవి గురించి ప్రచురించిన కథనం చర్చనీయాంశంగా మారింది. దేవదాసి పాత్రలో సాయిపల్లవి అందవిహీనంగా ఉందన్నది ఆ వార్త సారాంశం.
ఈ విధంగా సాయిపల్లవిపై ట్రోలింగ్ జరుగుతున్న నేపథ్యంలో తెలంగాణ గవర్నర్ తమిళిసై సౌందరరాజన్ స్పందించారు. గతంలో తాను కూడా ఇలాంటి వేదన అనుభవించానని వెల్లడించారు. సాయిపల్లవి రూపాన్ని విమర్శించడం చాలా బాధ కలిగించిందని అన్నారు. ఇలాంటి మాటలు ఎదుర్కొన్నవారికే ఆ బాధ తెలుస్తుందని, కానీ, పట్టుదల, శ్రమ, ప్రతిభతో అలాంటి మాటలను అధిగమించానని తమిళిసై వివరించారు.
పొట్టిగా, నల్లగా పుట్టడం మన తప్పు ఎలా అవుతుంది? అని ప్రశ్నించారు. ప్రతిదాంట్లోనూ అందం ఉంటుందని, కాకి పిల్ల కాకికి ముద్దే కదా! అని వ్యాఖ్యానించారు. ఈ సమాజంలో ఎక్కువగా స్త్రీలే బాడీ షేమింగ్ కు గురవుతున్నారని, పురుషులకు 50 ఏళ్లు వచ్చినా వారిని యువకులుగా చూస్తుంటారని ఆవేదన వ్యక్తం చేశారు. మహిళలు ఎదుగుతుంటే ఇలాంటి మాటల ద్వారా అడ్డుకుంటుంటారు అని తమిళిసై ఘాటు వ్యాఖ్యలు చేశారు.
ఈ విధంగా సాయిపల్లవిపై ట్రోలింగ్ జరుగుతున్న నేపథ్యంలో తెలంగాణ గవర్నర్ తమిళిసై సౌందరరాజన్ స్పందించారు. గతంలో తాను కూడా ఇలాంటి వేదన అనుభవించానని వెల్లడించారు. సాయిపల్లవి రూపాన్ని విమర్శించడం చాలా బాధ కలిగించిందని అన్నారు. ఇలాంటి మాటలు ఎదుర్కొన్నవారికే ఆ బాధ తెలుస్తుందని, కానీ, పట్టుదల, శ్రమ, ప్రతిభతో అలాంటి మాటలను అధిగమించానని తమిళిసై వివరించారు.
పొట్టిగా, నల్లగా పుట్టడం మన తప్పు ఎలా అవుతుంది? అని ప్రశ్నించారు. ప్రతిదాంట్లోనూ అందం ఉంటుందని, కాకి పిల్ల కాకికి ముద్దే కదా! అని వ్యాఖ్యానించారు. ఈ సమాజంలో ఎక్కువగా స్త్రీలే బాడీ షేమింగ్ కు గురవుతున్నారని, పురుషులకు 50 ఏళ్లు వచ్చినా వారిని యువకులుగా చూస్తుంటారని ఆవేదన వ్యక్తం చేశారు. మహిళలు ఎదుగుతుంటే ఇలాంటి మాటల ద్వారా అడ్డుకుంటుంటారు అని తమిళిసై ఘాటు వ్యాఖ్యలు చేశారు.
