Somu Veerraju: భోగి మంటల ద్వారా నిరసన వ్యక్తం చేసిన సోము వీర్రాజు

జగన్ ప్రభుత్వం అధికారంలోకి వచ్చినప్పటి నుంచి హిందువుల ఆలయాలు, వాటి ఆస్తులపైనా, హిందువులపైనా దాడులు జరుగుతున్నాయని ఏపీ బీజేపీ అధ్యక్షుడు సోము వీర్రాజు మండిపడ్డారు. ఈ దాడులను అరికట్టడంలో వైసీపీ ప్రభుత్వం విఫలమయిందని అన్నారు. న్యాయం చేయడంలో ఘోరంగా విఫలమైన ప్రభుత్వానికి సద్బుద్ధిని ప్రసాదించాలని కోరుకుంటూ రాజమండ్రిలో భోగి మంటల ద్వారా నిరసన వ్యక్తం చేశామని చెప్పారు. ఈ కార్యక్రమానికి పలువురు బీజేపీ నేతలు హాజరయ్యారు.