ఫ్యూచర్ కూపన్స్ తో ఒప్పందం రద్దుపై ట్రైబ్యునల్ ను ఆశ్రయించిన అమెజాన్

ఫ్యూచర్ కూపన్స్ ప్రైవేట్ లిమిటెడ్ (ఎఫ్ సీపీఎల్)తో అమెజాన్ ఒప్పందాన్ని కాంపిటీషన్ కమిషన్ ఆఫ్ ఇండియా (సీసీఐ) ఇటీవల రద్దు చేయడం తెలిసిందే. అయితే, సీసీఐ నిర్ణయాన్ని సవాల్ చేయాలని అమెజాన్ నిర్ణయించింది. ఈ క్రమంలో నేషనల్ కంపెనీ లా అప్పిల్లేట్ ట్రైబ్యునల్ (ఎన్సీఎల్ఏటీ)ను ఆశ్రయించింది.

ఫ్యూచర్ గ్రూప్ లో 49 శాతం వాటాలు చేజిక్కించుకునేలా 2019లో ఫ్యూచర్ కూపన్స్ లిమిటెడ్ తో అమెజాన్ ఒప్పందం కుదుర్చుకుంది. అయితే ఈ లావాదేవీకి అనుమతులు కోరే క్రమంలో కీలక సమాచారాన్ని అమెజాన్ దాచిందంటూ సీసీఐ ఆ ఒప్పందాన్ని నిలుపుదల చేసింది. ఈ సందర్భంగా ఆమెజాన్ పై రూ.202 కోట్ల జరిమానా వడ్డించింది. గత నెలలో జారీ అయిన ఈ ఆదేశాలను అమెజాన్ ఇప్పుడు ఎన్సీఎల్ఏటీలో సవాల్ చేస్తోంది.