నెట్ ఫ్లిక్స్ లో 'శ్యామ్ సింగ రాయ్'

08-01-2022 Sat 17:10
  • క్రితం నెల 24న వచ్చిన 'శ్యామ్ సింగ రాయ్'
  • తెలుగు రాష్ట్రాల్లో భారీ వసూళ్లు
  • ఓవర్సీస్ లోను మంచి రికార్డు
  • ఈ నెల 21 నుంచి నెట్ ఫ్లిక్స్ లో    
Shyam Singha Roy movie update
నాని హీరోగా రాహుల్ సాంకృత్యన్ రూపొందించిన 'శ్యామ్ సింగ రాయ్' సినిమా క్రితం నెల 24వ తేదీన థియేటర్లకు వచ్చింది. వెంకట్ బోయనపల్లి నిర్మించిన ఈ సినిమాకి మిక్కీ జె మేయర్ సంగీతాన్ని సమకూర్చాడు. 70వ దశకం ప్రధానంగా నడిచే ఈ కథలో నాని సరసన నాయికలుగా సాయిపల్లవి .. కృతి శెట్టి .. మడోన్నా అలరించారు.

తెలుగు రాష్ట్రాలతో పాటు ఓవర్సీస్ లోను ఈ సినిమా మంచి వసూళ్లను రాబట్టింది. క్రితం ఏడాది నాని నుంచి థియేటర్లకు వచ్చిన సినిమా ఇదే. ఈ సినిమా హిట్ టాక్ తెచ్చుకోవడం నానీకి చాలా సంతోషాన్ని కలిగించింది. ఇక ఈ సినిమా స్ట్రీమింగ్ హక్కులను 'నెట్ ఫ్లిక్స్' వారు తీసుకున్నట్టుగా వార్తలు వచ్చాయి. ఈ ఓటీటీ ఫ్లాట్ ఫామ్ పై ఈ నెల 21వ తేదీ నుంచి ఈ సినిమా స్ట్రీమింగ్ కానుంది.

ఇటు నానీకి .. అటు సాయిపల్లవికి ఫ్యామిలీ ఆడియన్స్ లో మంచి పేరు ఉంది. ఈ సినిమా కూడా ఫ్యామిలీ ఎంటర్టైనర్ కావడంతో ఓటీటీ వైపు నుంచి కూడా ఈ సినిమాకి మంచి రెస్పాన్స్ వచ్చే అవకాశం ఉంది. ఇక నాని తదుపరి సినిమాగా 'అంటే .. సుందరానికీ' సెట్స్ పై ఉండగా, సాయిపల్లవి 'విరాటపర్వం' రిలీజ్ కి రెడీగా ఉంది.