Chiarnjeevi: 'ఇంద్ర' సినిమా చూడడానికి ఒక వ్యక్తి బ్లాక్ లో 5 టిక్కెట్లను 10 వేలకి కొన్నట్టుగా తెలిసి ఆశ్చర్యపోయాం: బి.గోపాల్

చిరంజీవి కెరియర్లో చెప్పుకోదగిన సినిమాల వరుసలో 'ఇంద్ర' కూడా కనిపిస్తుంది. ఫ్యాక్షన్ సినిమాలతో బాలకృష్ణ మాంఛి జోరుమీదున్న సమయంలో, అదే ఫ్యాక్షన్ నేపథ్యంలో చిరంజీవి చేసిన సినిమా ఇది. అప్పటివరకూ బాలకృష్ణకి భారీ విజయాలను అందిస్తూ వచ్చిన బి. గోపాల్ ఈ సినిమాతో మెగా స్టార్ కి మరిచిపోలేని హిట్ ఇచ్చారు.

ఆ సినిమా విశేషాలను బి. గోపాల్ గుర్తు చేసుకుంటూ .. "చిరంజీవితో నేను చేసిన ఫస్టు మూవీ 'స్టేట్ రౌడీ'. ఆ తరువాత మా ఇద్దరి కాంబినేషన్లో 'మెకానిక్ అల్లుడు' వచ్చింది. ఆ తరువాత 'ఇంద్ర' చేసే ఛాన్స్ వచ్చింది. చిన్నికృష్ణ కథ .. పరుచూరి స్క్రీన్ ప్లే .. మణిశర్మ సాంగ్స్ ఈ సినిమాను మరో స్థాయికి తీసుకెళ్లాయి.

ఈ సినిమాకి వచ్చిన రెస్పాన్స్ అంతా ఇంతా కాదు. సాధారణంగా బ్లాక్ లో టిక్కెట్లు ఐదారొందలు పెట్టి కొంటూ ఉంటారు. కానీ ఒక చోట ఒక వ్యక్తి బ్లాక్ లో 5 టిక్కెట్లను 10 వేలకి కొన్నట్టుగా తెలిసి ఆశ్చర్యపోయాం. రిలీజ్ సమయంలో థియేటర్ల దగ్గర జనాలను కంట్రోల్ చేయడానికి ఎస్పీ స్థాయి ఆఫీసర్లు రంగంలోకి దిగవలసి వచ్చింది" అని చెప్పుకొచ్చారు.