మిత్రులతో కలిసి హైదరాబాదులో ఓ రెస్టారెంట్ కు విచ్చేసిన తమిళ హీరో శివకార్తికేయన్

తమిళంలో బాగా ఫ్యాన్ ఫాలోయింగ్ ఉన్న యువ హీరోల్లో శివకార్తికేయన్ ఒకడు. ఇటీవలే 'వరుణ్ డాక్టర్' చిత్రంతో మరో హిట్ ను తన ఖాతాలో వేసుకున్నాడు. శివకార్తికేయన్ త్వరలోనే నేరుగా ఓ తెలుగు చిత్రంలో నటించనున్నారు. జాతిరత్నాలు దర్శకుడు అనుదీప్ దర్శకత్వంలో నటించేందుకు ఓకే చెప్పాడు.

తాజాగా, శివకార్తికేయన్ తన ఫ్రెండ్స్ తో కలిసి హైదరాబాదులో సందడి చేశాడు. నగరంలో ఎంతో ప్రసిద్ధి చెందిన '1980 మిలిటరీ హోటల్' రెస్టారెంటులో మిత్రులతో కలిసి విందు ఆస్వాదించాడు. శివకార్తికేయన్ మిత్రబృందం ఇక్కడి ఫేమస్ వంటకాలను లాగించినట్టు ఫొటోలు చూస్తే అర్థమవుతోంది.