CPI Narayana: సోము వీర్రాజుకు ఆ పేరు చిరస్థాయిగా నిలిచిపోతుంది: సీపీఐ నారాయణ

బీజేపీ అధికారంలోకి వస్తే తక్కువ ధరకే మద్యాన్ని అందిస్తామని వ్యాఖ్యానించిన ఆ పార్టీ ఏపీ అధ్యక్షుడు సోము వీర్రాజుపై విమర్శల వర్షం కురుస్తోంది. సోము వీర్రాజును సారాయి వీర్రాజు అని విపక్షాలు ఎద్దేవా చేస్తున్నాయి. తాజాగా సీపీఐ జాతీయ కార్యదర్శి నారాయణ మాట్లాడుతూ, సోము వీర్రాజుకు సారాయి వీర్రాజు అనే పేరు సార్థకమవుతుందని ఆయన అన్నారు.

మద్యంపై వ్యాఖ్యల నేపథ్యంలో విజయవాడలో పరువు పోగొట్టుకున్న వీర్రాజు... గుంటురులో జిన్నా టవర్ వద్ద తన పరువును వెతుక్కునే ప్రయత్నం చేస్తున్నారని ఎద్దేవా చేశారు. బీజేపీ మత విద్వేషాలను రెచ్చగొట్టే ప్రయత్నం చేస్తోందని అన్నారు. కేంద్రంలోని బీజేపీ ప్రభుత్వం చెప్పులపై కూడా జీఎస్టీని విధించడం దారుణమని మండిపడ్డారు. కాళ్లకు వేసుకునే చెప్పులను నెత్తిమీద పెట్టుకునే పరిస్థితిని బీజేపీ తీసుకొచ్చిందని ఎద్దేవా చేశారు.