Air Asia: భారీ డిస్కౌంట్ ఆఫర్లను ప్రకటించిన స్పైస్ జెట్, ఎయిర్ ఏసియా
- హాలిడే సీజన్ లో ప్రయాణికులకు ఆఫర్లు
- వన్ వే టికెట్ ధర రూ. 1,122
- డిసెంబర్ 27 నుంచి డిసెంబర్ 31 వరకు బుకింగులు
హాలీడే సీజన్ లో ప్రయాణాలు చేసేందుకు ప్రయాణికులు జంకుతున్న నేపథ్యంలో దేశీయ విమానయాన సంస్థలు స్పైస్ జెట్, ఏయిర్ ఏసియా ఇండియాలు ఆకర్షణీయ ఆఫర్లను ప్రకటించాయి. ఈ ఆఫర్లు ప్రయాణికులను ఆకట్టుకుంటాయని సదరు సంస్థలు భావిస్తున్నాయి.
ఈ క్రమంలో, వన్ వే టికెట్ ప్రారంభ ధరను రూ. 1,122గా స్పైస్ జెట్ ప్రకటించింది. ఆఫర్లు ప్రకటించిన రూట్లలో చెన్నై-హైదరాబాద్, చెన్నై-బెంగళూరు, జమ్ము-శ్రీనగర్ తదితరాలున్నాయి. డిసెంబర్ 27 నుంచి 31 వరకు బుకింగ్ చేసుకున్న వారికి ఈ ఆఫర్ అందుబాటులో ఉంటుంది. జనవరి 15 నుంచి ఏప్రిల్ 15 మధ్యలో వీరు ప్రయాణించవచ్చు.
ఎయిర్ ఏసియా ఇండియా విషయానికి వస్తే.. ఆ సంస్థ 'న్యూ ఇయర్, న్యూ ప్లేసెస్' ఆఫర్ ప్రకటించింది. ఈ సంస్థ కూడా చెన్నై-బెంగళూరు, చెన్నై-హైదరాబాద్ తదితర రూట్లలో ప్రారంభ టికెట్ ధరను రూ. 1,122గా ప్రకటించింది. డిసెంబర్ 27 నుంచి డెసెంబర్ 31 వరకు బుకింగులు చేసుకోవచ్చు. జనవరి 15 నుంచి ఏప్రిల్ 15 వరకు ప్రయాణ తేదీలను నిర్ణయించుకోవచ్చు.
