RRR: భారీ స్థాయిలో 'ఆర్ఆర్ఆర్' ప్రీరిలీజ్ ఈవెంట్.. గెస్టులుగా రాబోతున్నది వీరిద్దరేనా..?

జూనియర్ ఎన్టీఆర్, రామ్ చరణ్, రాజమౌళి కాంబినేషన్లో భారీ బడ్జెట్ తో తెరకెక్కిన పాన్ ఇండియా మూవీ 'ఆర్ఆర్ఆర్' విడుదలకు సిద్ధమవుతోంది. టాలీవుడ్ రికార్డులను ఈ సినిమా బద్దలు చేస్తుందనే అంచనాలు సర్వత్ర నెలకొన్నాయి. హిందీలో సైతం ఈ సినిమా ఒక ఊపు ఊపుతుందని భావిస్తున్నారు.

ఇప్పటికే ఈ సినిమాకు సంబంధించిన ప్రమోషన్ కార్యాక్రమాలు ఊపందుకున్నాయి. ఇటీవలే బాలీవుడ్ కు సంబంధించి ముంబైలో ప్రీరిలీజ్ ఈవెంట్ ను నిర్వహించారు. ఈ ఈవెంట్ కు బాలీవుడ్ స్టార్ సల్మాన్ ఖాన్, నిర్మాత కరణ్ జొహార్ తదితరులు హాజరయ్యారు.

ఇక ఇప్పుడు టాలీవుడ్ లో ప్రీరిలీజ్ ఈవెంట్ ను ఓ రేంజ్ లో నిర్వహించేందుకు మేకర్స్ ప్లాన్ చేస్తున్నారు. ఈ ఈవెంట్ కు చిరంజీవి, బాలకృష్ణ ముఖ్య అతిథులుగా హాజరుకానున్నారని విశ్వసనీయంగా తెలుస్తోంది. ఈ సినిమాలో అలియా భట్, అజయ్ దేవగణ్, శ్రియ, సముద్రఖని తదితరులు ప్రధాన పాత్రలను పోషించారు. జనవరి 7న ప్రపంచ వ్యాప్తంగా ఈ చిత్రం విడుదల కాబోతోంది.