Team India: మూడో టీ20: న్యూజిలాండ్ పై టీమిండియా భారీ స్కోరు

ఈడెన్ గార్డెన్స్ లో న్యూజిలాండ్ తో జరుగుతున్న చివరి టీ20 మ్యాచ్ లో భారత్ భారీ స్కోరు సాధించింది. టాస్ గెలిచి బ్యాటింగ్ ఎంచుకున్న టీమిండియా నిర్ణీత 20 ఓవర్లలో 7 వికెట్లకు 184 పరుగులు నమోదు చేసింది. కెప్టెన్ రోహిత్ శర్మ అర్ధసెంచరీతో రాణించాడు. రోహిత్ 31 బంతుల్లో 5 ఫోర్లు, 3 సిక్సర్లతో 56 పరుగులు చేశాడు.

ఇషాన్ కిషన్ 29, శ్రేయాస్ అయ్యర్ 25, వెంకటేశ్ అయ్యర్ 20, దీపక్ చహర్ 21 నాటౌట్, హర్షల్ పటేల్ 18 పరుగులు చేశారు. కివీస్ బౌలర్లలో కెప్టెన్ మిచెల్ శాంట్నర్ 3 వికెట్లు పడగొట్టగా, ఇష్ సోథీ, ట్రెంట్ బౌల్ట్, ఆడమ్ మిల్నే, లాకీ ఫెర్గుసన్ తలో వికెట్ తీశారు.