పునీత్ రాజ్ కుమార్ సమాధి వద్ద కన్నీటి పర్యంతమైన తమిళ హీరో సూర్య

ఇటీవల గుండెపోటుతో కన్నుమూసిన కన్నడ హీరో పునీత్ రాజ్ కుమార్ కు తమిళ హీరో సూర్య నివాళులు అర్పించారు. నేడు బెంగళూరు వెళ్లిన సూర్య కంఠీరవ స్టూడియోస్ లోని పునీత్ సమాధిని సందర్శించారు.

ఈ సందర్భంగా సూర్య భావోద్వేగాలను అదుపు చేసుకోలేక కంటతడి పెట్టారు. అంత్యక్రియలకు రాలేకపోయానంటూ తీవ్ర విచారం వ్యక్తం చేశారు. పునీత్ సోదరుడు శివరాజ్ కుమార్ కూడా సూర్య వెంట ఉన్నారు. ఆయన కూడా తమ్ముడి మరణం తాలూకు బాధ నుంచి ఇంకా తేరుకోలేదనడానికి నిదర్శనంగా చెమర్చిన కళ్లతో కనిపించారు.

కన్నడ చిత్ర పరిశ్రమలో పవర్ స్టార్ గా, అప్పుగా అందరి మెప్పు పొందిన పునీత్ రాజ్ కుమార్... భాషలకు అతీతంగా అందరితోనూ స్నేహపూర్వకంగా మెలిగేవారు. ఆయన మరణంతో అన్ని దక్షిణాది చిత్ర పరిశ్రమలు కదిలిపోయాయి.