Scotland: టీ20 వరల్డ్ కప్: స్కాట్లాండ్ స్కోరు 20 ఓవర్లలో 165-9

టీ20 వరల్డ్ కప్ లో స్కాట్లాండ్, పాపువా న్యూ గినియా జట్ల మధ్య మ్యాచ్ జరుగుతోంది. టాస్ గెలిచి మొదట బ్యాటింగ్ చేసిన స్కాట్లాండ్ జట్టు నిర్ణీత 20 ఓవర్లలో 9 వికెట్లకు 165 పరుగులు చేసింది. సెకండ్ డౌన్ బ్యాట్స్ మన్ రిచీ బెర్రింగ్ టన్ విధ్వంసక ఇన్నింగ్స్ ఆడాడు. బెర్రింగ్టన్ 49 బంతుల్లో 6 ఫోర్లు, 3 సిక్సులతో 70 పరుగులు చేశాడు. అతడికి వికెట్ కీపర్ బ్యాట్స్ మన్ మాథ్యూ క్రాస్ నుంచి విశేష సహకారం లభించింది. 36 బంతులు ఎదుర్కొన్న క్రాస్ 2 ఫోర్లు, 2 సిక్సులతో 45 పరుగులు చేశాడు.

వీరిద్దరు తప్ప స్కాట్లాండ్ టీమ్ లో మరెవ్వరూ రాణించలేదు. ఇన్నింగ్స్ చివరి ఓవర్లో స్కాట్లాండ్ 4 వికెట్లు కోల్పోయింది. పాపువా న్యూ గినియా బౌలర్లలో కబువా మొరియా 4, చాద్ సోపర్ 3, సైమన్ అతాయ్ 1 వికెట్ తీశారు.