మంత్రి తలసానిని కలిసిన మంచు విష్ణు

తెలంగాణ సినిమాటోగ్రఫీ మంత్రి తలసాని శ్రీనివాస్ యాదవ్ ను మూవీ ఆర్టిస్ట్స్ అసోసియేషన్ (మా) నూతన అధ్యక్షుడు మంచు విష్ణు, ట్రెజరర్ శివబాలాజీ కలిశారు. మర్యాదపూర్వకంగా మంత్రిని వారు కలిశారు. ఈ నెల 16న జరగనున్న 'మా' నూతన కార్యవర్గ ప్రమాణస్వీకార కార్యక్రమానికి ఆహ్వానించారు. 'మా' అధ్యక్ష బాధ్యతలను విష్ణు ఇప్పటికే చేపట్టిన సంగతి తెలిసిందే. పెన్షన్స్ ఫైల్ పై ఆయన తొలి సంతకం చేశారు. మరోవైపు సినీ ప్రముఖులను మంచు విష్ణు కలుస్తున్నారు. ఈ ఉదయం తన తండ్రి మోహన్ బాబుతో కలిసి బాలకృష్ణను కలిశారు. పరుచూరి బ్రదర్స్, కోట శ్రీనివాసరావు వంటి వారిని కూడా కలిశారు. త్వరలోనే చిరంజీవిని కూడా కలుస్తానని చెప్పిన సంగతి సంగతి తెలిసిందే.