Tollywood: పండుగ రోజు సమంత కొత్త అప్ డేట్!

నాగచైతన్యతో విడాకుల తర్వాత సమంత తన కెరీర్ పై దృష్టి పెట్టింది. అయితే, ఇప్పటిదాకా తన కొత్త సినిమాలకు సంబంధించిన అప్ డేట్స్ ను ఆమె ఇవ్వలేదు. ఈ క్రమంలో రేపు దసరా రోజు ఆమె కొత్త అప్ డేట్స్ ను ఇవ్వనున్నట్టు తెలుస్తోంది. ఇప్పటికే గుణశేఖర్ డైరెక్షన్ లో రూపు దిద్దుకుంటున్న ‘శాకుంతలం’ మూవీని ఆమె పూర్తి చేసింది. మరోపక్క, విజయ్ సేతుపతి, నయనతారలతో కలిసి తమిళంలో ఓ మల్టీస్టారర్ లో నటిస్తోంది.

వాటితో పాటు మరో మూడు కొత్త ప్రాజెక్టులకు సమంత కమిట్ అయిందని ఫిల్మ్ నగర్ వర్గాలు చెబుతున్నాయి. ఆ ప్రాజెక్టులకు సంబంధించిన వివరాలను ఆమె రేపు దసరా పండుగనాడు వెల్లడిస్తుందని అంటున్నాయి. మరి ఆ అప్ డేట్స్ ఏంటి? సమంత కమిట్ అయిన ప్రాజెక్టులేంటో తెలియాలంటే ఆమె ప్రకటన వచ్చేదాకా వెయిట్ చేయాల్సిందే.