Mahati Swarasagar: త్వరలో పెళ్లిపీటలు ఎక్కనున్న టాలీవుడ్ సంగీత దర్శకుడు

టాలీవుడ్ సీనియర్ సంగీత దర్శకుడు మణిశర్మ ఇంట్లో పెళ్లి సందడి నెలకొంది. ఆయన కుమారుడు మహతి స్వరసాగర్ త్వరలోనే ఓ ఇంటివాడు కాబోతున్నారు. మహతి స్వరసాగర్ వివాహం గాయని సంజనా కలమంజేతో ఈ నెల 24న జరగనుంది. ఉదయం 10.30 గంటలకు చెన్నై టీ-నగర్ లోని అకార్డ్ ఫంక్షన్ హాల్లో ఈ సెలబ్రిటీ పెళ్లి జరగనుంది. అనంతరం ఈ నెల 29న హైదరాబాదు గోల్కొండ రిసార్ట్ లో ఘనంగా రిసెప్షన్ నిర్వహించనున్నారు.

ఇటీవలే స్వరసాగర్, సంజనాల నిశ్చితార్థం జరిగింది. సంజనా కలమంజే స్వస్థలం కర్ణాటకకు చెందిన ఉడుపి. వీరి కుటుంబం చెన్నైలో స్థిరపడింది.