Manchu Vishnu: ‘మా’ అధ్యక్షుడిగా మంచు విష్ణు గెలిచిన కాసేపటికే.. నాగబాబు షాకింగ్ నిర్ణయం

హోరాహోరీగా జరిగిన మా అసోసియేషన్ ఎన్నికల్లో మంచు విష్ణు విజయం సాధించిన కాసేపటికే సీనియర్ నటుడు నాగబాబు సంచలన నిర్ణయం తీసుకున్నారు. మా సభ్యత్వానికి రాజీనామా చేస్తున్నట్టు ప్రకటించారు.

ఈ సందర్భంగా ఆయన మాట్లాడుతూ.. సంకుచిత మనస్తత్వం, ప్రాంతీయవాదంతో కొట్టుమిట్టాడుతున్న మా అసోసియేషన్‌లో కొనసాగడం ఇష్టం లేదని, అందుకే రాజీనామా చేస్తున్నట్టు చెప్పారు. రాజీనామా లేఖను 48 గంటల్లో ‘మా’ కార్యాలయానికి పంపుతానని పేర్కొన్నారు. ఆషామాషీగా తాను ఈ నిర్ణయాన్ని తీసుకోలేదని, పలు విధాలుగా ఆలోచించిన తర్వాత పూర్తి చిత్తశుద్ధితోనే ఈ నిర్ణయం తీసుకున్నట్టు నాగబాబు తెలిపారు.