జమ్మూకశ్మీర్‌లో భీకర ఎన్‌కౌంటర్.. ఉగ్రవాది హతం

జమ్మూకశ్మీర్‌లో ఈ ఉదయం జరిగిన భీకర ఎన్‌కౌంటర్‌లో ఓ ఉగ్రవాది హతమయ్యాడు. షోపియాన్‌లోని రఖామా ప్రాంతంలో ఈ ఎన్‌కౌంటర్ చోటుచేసుకుంది. భద్రతా బలగాలను చూసి ఉగ్రవాదులు తొలుత కాల్పులు ప్రారంభించగా, వెంటనే అప్రమత్తమైన భద్రతా దళాలు ఎదురుకాల్పులు ప్రారంభించాయి.

ఈ ఘటనలో ఓ గుర్తు తెలియని ఉగ్రవాది హతమైనట్టు కశ్మీర్ జోన్ పోలీసులు తెలిపారు. ఆపరేషన్ కొనసాగుతున్నట్టు చెప్పారు. దర్యాప్తు అనంతరం ఉగ్రవాది వివరాలు వెల్లడిస్తామని అధికారులు పేర్కొన్నారు.