జూబ్లీహిల్స్ పబ్లిక్ స్కూలు వేదికగా 'మా' ఎన్నికల పోలింగ్

మూవీ ఆర్టిస్ట్స్ అసోసియేషన్ (మా) ఎన్నికలు అక్టోబరు 10న జరగనున్నాయి. ఈ మేరకు నోటిఫికేషన్ విడుదలైన సంగతి తెలిసిందే. కాగా, 'మా' ఎన్నికల పోలింగ్ వేదికను ఎంపిక చేశారు. హైదరాబాదులోని జూబ్లీహిల్స్ పబ్లిక్ స్కూలులో 'మా' ఎన్నికలు నిర్వహించనున్నారు. వచ్చే నెల 10న ఉదయం 8 గంటల నుంచి మధ్యాహ్నం 2 గంటల వరకు ఓటింగ్ ప్రక్రియ జరగనుంది. అదే రోజున సాయంత్రం 4 గంటల నుంచి ఓట్ల లెక్కింపు చేపట్టి, రాత్రి 7 గంటలకు ఫలితాలు వెల్లడించనున్నారు.

ఈసారి 'మా' ఎన్నికల్లో రెండు బలమైన వర్గాలు బరిలో ఉండడంతో సర్వత్రా ఆసక్తి నెలకొంది. ఓ వర్గానికి ప్రకాశ్ రాజ్, మరోవర్గానికి మంచు విష్ణు నాయకత్వం వహిస్తున్నారు.