Taliban: కాబూల్ ఎయిర్ పోర్టును దిగ్బంధించిన తాలిబన్లు

ఉగ్రదాడులు జరిగిన నేపథ్యంలో కాబూల్ లోని హమీద్ కర్జాయ్ విమానాశ్రయాన్ని తాలిబన్లు దిగ్బంధించారు. విమానాశ్రయం వద్దకు భారీ ఎత్తున ప్రజలు గుమికూడకుండా అదనపు దళాలను మోహరించారు. కాబూల్ విమానాశ్రయానికి వెళ్లే దారుల్లో అదనపు చెక్ పోస్టులు ఏర్పాటు చేశారు.

ఆఫ్ఘన్ బలగాల నుంచి స్వాధీనం చేసుకున్న వాహనాలతో తాలిబన్లు ప్రస్తుతం పహారా కాస్తున్నారు. ఆఫ్ఘన్ దళాల నుంచి స్వాధీనం చేసుకున్న యూనిఫాం, నైట్ విజన్ కళ్లజోళ్లు, ఆయుధాలతో తాలిబన్లు ఎయిర్ పోర్టు పరిసరాల్లో కనిపించారు. తాలిబన్ల తాజా చర్యలతో కాబూల్ ఎయిర్ పోర్టు నుంచి తరలింపు కార్యక్రమాలు తాత్కాలికంగా నిలిచిపోయాయి.