టీ20 ప్రపంచకప్ షెడ్యూల్ విడుదల.. చాలా కాలం తర్వాత భారత్-పాక్ మ్యాచ్.. తేదీ ఖరారు
- అక్టోబర్ 17 నుంచి నవంబర్ 14 వరకు టోర్నీ
- ఒమన్తో పాటు యూఏఈలో మ్యాచులు
- అక్టోబర్ 24న భారత్-పాక్ మధ్య మ్యాచ్
- నవంబరు 14న ఫైనల్ మ్యాచ్ దుబాయ్లో
టీ20 ప్రపంచకప్ షెడ్యూల్ను ఐసీసీ ఈ రోజు విడుదల చేసింది. ఈ ఏడాది అక్టోబర్ 17 నుంచి నవంబర్ 14 వరకు ఈ టోర్నీ నిర్వహిస్తామని తెలిపింది. ఈ మ్యాచులు ఒమన్తో పాటు యూఏఈలో జరగనున్నాయి. చాలా కాలం తర్వాత భారత్-పాక్ క్రికెట్ పోటీలో తలపడనున్నాయి. అక్టోబర్ 24న భారత్-పాక్ మధ్య మ్యాచ్ జరగనుందని ఐసీసీ ప్రకటన చేసింది. నవంబర్ 10, 11 తేదీల్లో సెమీ ఫైనల్ మ్యాచ్ ఉంటుందని, అదే నెల 14న ఫైనల్ మ్యాచ్ దుబాయ్లో జరుగుతుందని తెలిపింది.
