India: రెండో టెస్టులో విజయానికి మరో 5 వికెట్ల దూరంలో భారత్

లార్డ్స్ టెస్టు మ్యాచ్ లో టీమిండియా బౌలర్లు హడలెత్తించారు. 272 పరుగుల విజయలక్ష్యంతో బరిలో దిగిన ఇంగ్లండ్... ఇషాంత్ శర్మ, బుమ్రా, షమీల ధాటికి కకావికలమైంది. 67 పరుగులకే 5 వికెట్లు కోల్పోయి ఓటమి దిశగా పయనిస్తోంది. భారత్ విజయానికి మరో 5 వికెట్లు కావాలి. ఇషాంత్ 2, బుమ్రా చెరో రెండు వికెట్లు తీయగా, షమీ ఓ వికెట్ పడగొట్టాడు. కాసేపు పోరాడిన ఇంగ్లండ్ కెప్టెన్ జో రూట్ (33)ను బుమ్రా ఓ అద్భుతమైన బంతితో అవుట్ చేశాడు. దాంతో ఇంగ్లండ్ శిబిరం నిరుత్సాహానికి గురైంది.

ప్రస్తుతం ఇంగ్లండ్ 34 ఓవర్ల అనంతరం 5 వికెట్లకు 88 పరుగులు చేసింది. ఆ జట్టు గెలవాలంటే 184 పరుగులు చేయాలి. ఆటకు నేడు చివరి రోజు కాగా, మరో 26 ఓవర్లు మిగిలున్నాయి.