Simbu: వైరల్ అవుతున్న శింబు కొత్త లుక్

తమిళ హీరో శింబు డబ్బింగ్ సినిమాల ద్వారా తెలుగు ప్రేక్షకులకు సుపరిచితుడే. ప్రస్తుతం ఈ డ్యాన్సింగ్ స్టార్ గౌతమ్ మీనన్ దర్శకత్వంలో 'వెందు తానింధతు కాదు' అనే చిత్రంలో నటిస్తున్నాడు. ఈ సినిమా కోసం శింబు తన రూపాన్ని విభిన్నరీతిలో మార్చుకున్నాడు. ఇటీవలే ఫస్ట్ లుక్ రిలీజ్ కాగా, అందులో కనిపిస్తోంది శింబు అంటే నమ్మలేకపోయారు. ఈ క్రమంలో శింబు తాజా లుక్ వైరల్ అవుతోంది. తాజా ఫొటోలో శింబు ఓ సెల్ఫీ తీసుకుంటున్నట్టుగా దర్శనమిస్తున్నాడు.

గౌతమ్ మీనన్ చిత్రాలు మిగతా దర్శకుల చిత్రాలతో పోల్చితే ఎంతో భిన్నంగా ఉంటాయి. అందుకే ఈ సినిమా కోసం శింబు చాలా కష్టపడ్డాడు. ఏకంగా 30 కేజీల బరువు తగ్గి కొత్తగా కనిపిస్తున్నాడు. తన నయా గెటప్ ను శింబు సోషల్ మీడియాలో పంచుకోగా, అభిమానులు విస్మయానికి గురవుతున్నారు.