చరణ్ సినిమాకిగాను కియారా పారితోషికం 5 కోట్లు?

05-08-2021 Thu 18:53
  • చరణ్, శంకర్ కాంబోలో సినిమా 
  • బాలీవుడ్ లో కియారాకు భారీ క్రేజ్
  • చేతినిండా పెద్ద ప్రాజెక్టులు
  • తెలుగులో మూడో సినిమా
Kaira Advani taking Huge remuneration for charan movie

చరణ్ - శంకర్ కాంబినేషన్లో ఒక భారీ సినిమా రూపొందనుంది. 'దిల్' రాజు ఈ సినిమాను నిర్మిస్తున్నారు. ఆయన బ్యానర్లో నిర్మితమవుతున్న 50వ సినిమా ఇది. వచ్చే నెలలో ఈ సినిమా షూటింగును ప్రారంభించడానికి సన్నాహాలు జరుగుతున్నాయి. ఈ సినిమాలో కథానాయికగా కియారా అద్వానిని తీసుకున్నారు. చరణ్ తో ఆమె చేస్తున్న రెండవ సినిమా ఇది.

ఈ సినిమాకి గాను ఆమెకి అందుతున్న పారితోషికం ఇప్పుడు హాట్ టాపిక్ గా మారింది. ఆమె డిమాండ్ చేసిన పారితోషికం 5 కోట్లు అని చెప్పుకుంటున్నారు. తెలుగులో ఇంతకుముందు ఆమె చేసిన రెండు సినిమాలకి కూడా ఒక కోటి లోపే పారితోషికంగా తీసుకుందట. కానీ అప్పటి పరిస్థితి వేరు .. ఇప్పుడు ఆమె రేంజ్ వేరు.

హిందీలో 'కబీర్ సింగ్' సినిమా తరువాత కియారా గ్రాఫ్ మారిపోయింది. ఆమెకి బాలీవుడ్ లో అవకాశాలు .. విజయాలు కూడా పెరిగిపోయాయి. అక్కడి స్టార్ హీరోయిన్స్ రేసులో ఆమె ఉంది. ప్రస్తుతం అక్కడ ఆమె ఒక సినిమాకి 4 కోట్లు తీసుకుంటోందట. శంకర్ - చరణ్ సినిమా తెలుగుతో పాటు తమిళ .. మలయాళ .. కన్నడ .. హిందీ భాషల్లో విడుదల కానుండటంతో, ఆమె మరో కోటి అదనంగా అడిగిందని అంటున్నారు.