Khairatabad Ganesh: ఖైరతాబాద్ గణేశ్ విగ్రహ నమూనా ఆవిష్కరణ
- ఖైరతాబాద్ లో వినాయక చవితి ఏర్పాట్లు
- ఈసారి 40 అడుగుల విగ్రహం
- పంచముఖ రుద్రమహాగణపతిగా ఖైరతాబాద్ గణనాథుడు
- జాతీయస్థాయిలో గుర్తింపు పొందిన ఖైరతాబాద్ గణపతి
వినాయకచవితి సందర్భంగా హైదరాబాదులోని ఖైరతాబాద్ లో నిర్వహించే ఉత్సవాలు, భారీ గణపతి విగ్రహం జాతీయస్థాయిలో గుర్తింపు పొందాయి. ఈ ఏడాది కూడా వినాయకచవితి ఉత్సవాలకు నిర్వాహకులు సిద్ధమవుతున్నారు. ఈ క్రమంలో ఖైరతాబాద్ గణేశ్ విగ్రహ నమూనాను ఇవాళ ఆవిష్కరించారు. ఈసారి 40 అడుగుల విగ్రహం ఏర్పాటుకు ఉత్సవ కమిటీ నిర్ణయం తీసుకుంది. గత విగ్రహాలకు భిన్నంగా ఈ పర్యాయం పంచముఖ రుద్ర మహాగణపతిగా ఖైరతాబాద్ వినాయకుడు దర్శనమివ్వనున్నాడు. ఎడమవైపు కాలనాగదేవత, కుడివైపు కాలవిష్ణు విగ్రహాలు ఏర్పాటు చేయనున్నారు.
