Vijayawada: హీరో విజ‌య్ పుట్టిన‌రోజు సంద‌ర్భంగా 64 లుక్స్ విడుద‌ల‌!

స్టార్ హీరోల జ‌న్మ‌దిన వేడుక ఉందంటే అభిమానులు చేసే హంగామా అంతాఇంతా కాదు. హీరోల‌ పుట్టిన‌రోజు వేడుక‌ను పండుగగా చేసుకుంటారు. పుట్టిన‌రోజు సంద‌ర్భంగా హీరోల కామ‌న్ డీపీలు విడుద‌లవుతుంటాయి. త‌మిళ హీరో విజయ్  ఈ నెల 22న పుట్టిన‌రోజు జ‌రుపుకోనున్న నేప‌థ్యంలో ఆయ‌న‌కు సంబంధించిన ఓ పోస్ట‌ర్ ను విడుద‌ల చేశారు.  

మాస్టర్ సినిమా నిర్మాత లలిత్‌కుమార్ కు చెందిన సెవెన్ స్క్రీన్ స్టూడియో విడుద‌ల చేసిన ఈ పోస్ట‌ర్‌లో విజ‌య్ న‌టించిన 64 చిత్రాల‌కు సంబంధించిన లుక్‌లు ఉన్నాయి. ఇవి బాగా ఆక‌ట్టుకుంటుండ‌డంతో ఫ్యాన్స్ ఉబ్బిత‌బ్బిబ్బ‌యిపోతున్నారు. ప్ర‌స్తుతం విజ‌య్ త‌న కెరీర్‌లో 65వ సినిమాలో న‌టిస్తున్నాడు. దాని ఫ‌స్ట్ లుక్‌ను ఈ నెల‌ 21న సాయంత్రం 6 గంటలకు విడుద‌ల చేయ‌నున్నారు.