Pavan kalyan: పవన్ తో త్రివిక్రమ్ పాన్ ఇండియా మూవీ!

త్రివిక్రమ్ .. పవన్ కాంబినేషన్ కి ఎంతో క్రేజ్ ఉంది.  'జల్సా' .. 'అత్తారింటికి దారేది' వంటి భారీ హిట్లు ఈ కాంబినేషన్లో వచ్చాయి. 'అజ్ఞాతవాసి' ఆశించిన స్థాయిలో ఆడకపోయినా, ఈ ఇద్దరి కలయికలో మరో సినిమా రావాలనే అభిమానులు కోరుకుంటున్నారు. మరో రెండేళ్లలో వాళ్ల ముచ్చట తీరనుందనే చెప్పొచ్చు. పవన్ కథానాయకుడిగా త్రివిక్రమ్ మరో ప్రాజెక్టును సెట్ చేస్తున్నట్టుగా ఒక వార్త ఇండస్ట్రీలో బలంగా వినిపిస్తోంది. ఈ ఇద్దరి కాంబినేషన్లో మరో సినిమా రావడమనేది ఖాయమనే చెప్పుకుంటున్నారు.

ప్రస్తుతం క్రిష్ .. సాగర్ చంద్ర ప్రాజెక్టులతో పవన్ బిజీగా ఉన్నారు. ఆ తరువాత హరీశ్ శంకర్ దర్శకత్వంలో ఒక మాస్ యాక్షన్ ఎంటర్టైనర్లో చేయనున్నారు. ఈ లోగా మహేశ్ బాబు మూవీని త్రివిక్రమ్ పూర్తిచేయనున్నాడు. ఆ తరువాత పవన్ - త్రివిక్రమ్ కలిసి సెట్స్ పైకి వెళతారని అంటున్నారు. ఇది పాన్ ఇండియా మూవీ అనీ .. భారీ స్థాయిలో నిర్మితం కానున్న ఈ సినిమాను వివిధ భాషల్లో విడుదల చేయనున్నారని తెలుస్తోంది. పవన్ ను పాన్ ఇండియా స్టార్ గా త్రివిక్రమ్ పరిచయం చేయనుండటం పట్ల ఆయన అభిమానులు హ్యాపీగా ఫీలవుతున్నారు.