గాన గంధర్వుడితో అరుదైన ఫొటో పంచుకున్న తమన్

నేడు (జూన్ 4) గాన గంధర్వుడు ఎస్పీ బాలసుబ్రహ్మణ్యం జయంతి కావడంతో ఆయన స్మరణలో ప్రముఖులు బాధాతప్త సందేశాలను పోస్టు చేశారు. ఆ దిగ్గజ గాయకుడితో తమ అనుబంధాన్ని గుర్తుచేసుకుని భావోద్వేగాలకు లోనయ్యారు. ప్రముఖ టాలీవుడ్ సంగీత దర్శకుడు తమన్ కూడా ఎస్పీ బాలు లేని లోటు పట్ల తీవ్ర విచారం వ్యక్తం చేశారు. "మిస్ యూ మామా" అంటూ తన ఆవేదన వెలిబుచ్చారు. ఈ సందర్భంగా తమన్ ఓ ఆసక్తికరమైన ఫొటో పంచుకున్నారు.

దక్షిణ కొరియాలోని సియోల్ ఎయిర్ పోర్టులో ఎస్పీ బాలసుబ్రహ్మణ్యంతో తమన్ కలిసి ఉన్నప్పటి ఫొటో అది. అమెరికాలోని లాస్ ఏంజెల్స్ వెళుతుండగా ఆ ఫొటో తీసుకున్నట్టు తమన్ వెల్లడించారు. అది 1996 నాటి ఫొటో అని తెలిపారు. ఓ కచేరీ కోసం తాము అమెరికా వెళుతున్నామని, నాడు బాలసుబ్రహ్మణ్యం బృందంలో తాను అత్యంత పిన్నవయస్కుడైన డ్రమ్మర్ నని తమన్ పేర్కొన్నారు.