భార్య స్నానం చేస్తుండగా తీసిన వీడియో వైరల్.. భర్త ఆత్మహత్య

భార్య స్నానం చేస్తున్న వీడియో వైరల్ కావడంతో తీవ్ర మనస్తాపానికి గురైన భర్త ఆత్మహత్య చేసుకున్నాడు. కృష్ణా జిల్లా బాపులపాడు మండలంలోని ఎ.సీతారాంపురంలో జరిగిందీ ఘటన. పోలీసుల కథనం ప్రకారం.. గ్రామానికి చెందిన వివాహిత స్నానం చేస్తున్న సమయంలో అదే గ్రామానికి చెందిన జయబాబు అనే వ్యక్తం వీడియో తీసి దానిని వైరల్ చేశాడు. విషయం తెలిసిన బాధితురాలు పోలీసులకు ఫిర్యాదు చేసింది. పోలీసులు కేసును దర్యాప్తు చేస్తుండగానే వివాహిత భర్త ఆత్మహత్య చేసుకున్నాడు.

తన భర్త ఆత్మహత్యకు జయబాబే కారణమని, ఇప్పుడు తమ కుటుంబం దిక్కులేనది అయిపోయిందని బాధితురాలు ఆవేదన వ్యక్తం చేసింది. తనకు న్యాయం చేయాలని పోలీసులను వేడుకుంది. మరోవైపు, పోలీసులకు ఫిర్యాదు చేసినందుకు బాధితురాలి భర్తను చంపేస్తానని జయబాబు బెదిరించాడని స్థానికులు చెబుతున్నారు. కేసు నమోదు చేసుకున్న పోలీసులు దర్యాప్తు చేస్తున్నారు.