Kumar Hegde: కంగనా రనౌత్ బాడీగార్డుపై అత్యాచార ఆరోపణలు... కేసు నమోదు
- చిక్కుల్లో కంగనా బాడీగార్డు కుమార్ హెగ్డే
- కుమార్ పై ఫిర్యాదు చేసిన బ్యూటీషియన్
- పెళ్లి చేసుకుంటానని నమ్మించాడని ఆరోపణ
- ఎఫ్ఐఆర్ నమోదు చేసిన ముంబయి పోలీసులు
బాలీవుడ్ ఫైర్ బ్రాండ్ కంగనా రనౌత్ బాడీగార్డు కుమార్ హెగ్డే చిక్కుల్లో పడ్డాడు. కుమార్ పై ఓ బ్యూటీషియన్ అత్యాచార ఆరోపణలు చేసింది. బ్యూటీషియన్ ఫిర్యాదును స్వీకరించిన ముంబయిలోని డీఎన్ నగర్ పోలీసులు ఎఫ్ఐఆర్ నమోదు చేశారు. గతేడాది జూన్ లో కుమార్ హెగ్డే తనను పెళ్లి చేసుకుంటానని నమ్మించాడని ఆ 30 ఏళ్ల బ్యూటీషియన్ తన ఫిర్యాదులో పేర్కొంది.
కంగనా బాడీగార్డు కుమార్ హెగ్డే, సదరు బ్యూటీషియన్ గత 8 ఏళ్లుగా సహజీవనం చేస్తున్నారని బాలీవుడ్ వర్గాలంటున్నాయి. అయితే, శారీరక సంబంధం పెట్టుకోవాలంటూ బలవంతం చేసేవాడని, అందుకు నిరాకరించడంతో తనపై అత్యాచారానికి పాల్పడ్డాడని బ్యూటీషియన్ తన ఫిర్యాదులో పేర్కొంది.
