Balakrishna: 'అఖండ' నుంచి ట్రైలర్ వచ్చేది అప్పుడేనట!

బాలకృష్ణ .. బోయపాటి కాంబినేషన్లో మూడో సినిమాగా 'అఖండ' రూపొందుతోంది. గతంలో వీరిద్దరి కాంబినేషన్లో వచ్చిన 'సింహా' .. 'లెజెండ్' సినిమాలు సంచలన విజయాలను రాబట్టడంతో, సహజంగానే 'అఖండ'పై అంచనాలు ఉన్నాయి. ఇప్పటికే ఈ సినిమా చిత్రీకరణ చాలావరకూ పూర్తయింది. ఇటీవల వదిలిన టీజర్ కి అనూహ్యమైన రెస్పాన్స్ వచ్చింది. దాంతో బాలయ్య అభిమానులు ఫుల్ ఖుషీ అవుతున్నారు. ఈ సినిమా తప్పకుండా పెద్ద హిట్ కొడుతుందనే నమ్మకంతో ఉన్నారు.  

ఈ జోరులో ఈ సినిమా నుంచి ఫస్ట్ సింగిల్ రిలీజ్ చేయడానికి సన్నాహాలు జరుగుతున్నట్టుగా తెలుస్తోంది. తమన్ సంగీతం ఈ సినిమాకి ప్రత్యేక ఆకర్షణగా నిలవనుందని చెబుతున్నారు. ఈ నేపథ్యంలో ఫస్ట్ సింగిల్ కోసం అభిమానులు ఆతృతతో ఎదురుచూస్తున్నారు. ఇక ట్రైలర్ ను ఎన్టీఆర్ జయంతి సందర్భంగా మే 28వ తేదీన విడుదల చేయాలనే ఆలోచనలో ఉన్నారట. నిజానికి ఆ రోజునే సినిమాను విడుదల చేయాలనుకున్నారుగానీ కుదరడం లేదట. అందువల్లనే ఆ రోజున ట్రైలర్ ను ప్లాన్ చేసినట్టుగా చెప్పుకుంటున్నారు.