బ్రెజిల్ వేరియంట్ పైనా కొవాగ్జిన్ సత్తా చూపుతోంది: ఐసీఎంఆర్
- దేశీయంగా తయారైన కొవాగ్జిన్
- కరోనా నివారణలో సమర్థవంతమైన పనితీరు
- రెండు డోసులతో బ్రెజిల్ వేరియంట్ ఖతమ్
- మహారాష్ట్రలో అధికంగా వ్యాప్తిలో ఉన్న బ్రెజిల్ వేరియంట్
రెండు డోసులు కొవాగ్జిన్ తీసుకున్న వారిలో బ్రెజిల్ వేరియంట్ ను ఎదుర్కొనే వ్యాధి నిరోధక శక్తి రెట్టింపవుతున్నట్టు అధ్యయనంలో వెల్లడైంది. కొవాగ్జిన్ కారణంగా మానవ శరీరంలో కరోనాను ఎదుర్కొనే ఇమ్యూనోగ్లోబ్యులిన్ జి అనే పదార్థం ఉత్పన్నమై, యాంటీబాడీల అభివృద్ధికి తోడ్పడుతున్నట్టు ఐసీఎంఆర్ నిపుణులు పేర్కొన్నారు. భారత్ లో ముఖ్యంగా మహారాష్ట్రలో నమోదవుతున్న కరోనా కేసులు అత్యధికంగా బ్రెజిల్ వేరియంట్ కారణంగానే వస్తున్నాయి.
