Andre Russel: రసెల్ మెరుపులు... గౌరవప్రద స్కోరు సాధించిన కోల్ కతా

ఐపీఎల్ 14వ సీజన్ మిగతా జట్ల కంటే కాస్త వెనుకబడిన కోల్ కతా నైట్ రైడర్స్... ఢిల్లీ క్యాపిటల్స్ తో మ్యాచ్ లో గౌరవప్రద స్కోరు సాధించింది. నిర్ణీత 20 ఓవర్లలో 6 వికెట్లకు 154 పరుగులు చేసింది. ఆల్ రౌండర్ ఆండ్రీ రసెల్ 27 బంతుల్లో 2 ఫోర్లు, 4 సిక్సర్లతో అజేయంగా 45 పరుగులు చేశాడు. అంతకుముందు, ఓపెనర్ శుభ్ మాన్ గిల్ 43 పరుగులతో రాణించాడు.

ఇటీవల వరుసగా విఫలమవుతున్న గిల్ ఈ మ్యాచ్ లో ఫామ్ లోకి రావడం కోల్ కతాకు ఊరట కలిగించే విషయం అని చెప్పాలి. ఇక మిడిలార్డర్ లో కెప్టెన్ ఇయాన్ మోర్గాన్, సునీల్ నరైన్ ఇద్దరూ డకౌట్ కావడం భారీ స్కోరు అవకాశాలను ప్రభావితం చేసింది.