Ram: అనిల్ రావిపూడికి రామ్ గ్రీన్ సిగ్నల్!

  • వరుస హిట్లతో అనిల్ రావిపూడి
  • లింగుస్వామి షూటింగులో రామ్
  • ఇద్దరి కాంబినేషన్లో నాన్ స్టాప్ ఎంటర్టైనర్
Ram gave green signal to Anil Ravipudi

రామ్ హీరోగా ఇటీవల ప్రేక్షకుల ముందుకు వచ్చిన 'రెడ్' అంతగా ఆకట్టుకోలేదు. దాంతో ఆ తరువాత కథ విషయంలో ఆయన మరిన్ని జాగ్రత్తలు తీసుకున్నాడు. తమిళ దర్శకుడు లింగుస్వామి దర్శకత్వంలో ఒక సినిమా చేయడానికి సిద్ధమవుతున్నాడు. ఈ సినిమాలో ఆయన జోడీగా కృతి శెట్టి పేరు వినిపిస్తోంది. వైవిధ్యభరితమైన కథాకథనాలతో సాగే ఈ సినిమాలో రామ్ కొత్త లుక్ తో కనిపించనున్నాడు. ఆ తరువాత ప్రాజెక్టును కూడా రామ్ లైన్లో పెట్టేశాడని అంటున్నారు. ఆ సినిమాకి దర్శకుడు అనిల్ రావిపూడి.


గతంలో అనిల్ రావిపూడి .. రామ్ తో 'రాజా ది గ్రేట్' చేయాలనుకున్నాడు. కొన్ని కారణాల వలన కుదరకపోవడంతో రవితేజతో తెరకెక్కించాడు. ఆ సినిమా అనూహ్యమైన విజయాన్ని సాధిచింది. అప్పటి నుంచి అనిల్ రావిపూడితో ఓ సినిమా చేయాలని రామ్ ఉత్సాహాన్ని చూపుతున్నాడు. రీసెంట్ గా ఈ ఇద్దరి కాంబినేషన్లో ఓ ప్రాజెక్టు సెట్ అయిందని అంటున్నారు. కథాచర్చలు కూడా పూర్తయ్యాయని చెబుతున్నారు. 'ఎఫ్ 3' తరువాత అనిల్ రావిపూడి చేసే సినిమా రామ్ తోనే అని అంటున్నారు. ఇది కూడా నాన్ స్టాప్ ఎంటర్టైనర్ అనే టాక్ వినిపిస్తోంది.

More Telugu News