ప్రపంచంలోనే అతిపెద్ద జూను ఏర్పాటు చేస్తున్న ముఖేశ్ అంబానీ

20-02-2021 Sat 16:28
  • గుజరాత్ లో జూను ఏర్పాటు  చేస్తున్న ముఖేశ్ 
  • జూలో రెస్క్యూ సెంటర్ ను ఏర్పాటు చేస్తున్న వైనం
  • 2023లో ప్రారంభమవుతుందన్న పరిమళ్ నత్వానీ
Ambanis To Set Up Worlds Largest Zoo in Gujarat

ప్రపంచంలోని అతి పెద్ద జంతు ప్రదర్శనశాలల్లో ఒకటిగా నిలిచిపోయే జూను రిలయన్స్ అధినేత ముఖేశ్ అంబానీ నిర్మిస్తున్నారు. తమ సొంత రాష్ట్రం గుజరాత్ లో ఈ ప్రాజెక్టును చేపట్టారు. ఈ జూలో ఎన్నో రకాల జంతువులు, పక్షులు ఉంటాయి. రాష్ట్ర ప్రభుత్వానికి కూడా ఉపయోగపడేలా రెస్క్యూ సెంటర్ కూడా ఇందులో ఉంటుంది. 2023లో ఇది ప్రారంభమవుతుందని రిలయన్స్ కార్పొరేట్ అఫైర్స్ డైరెక్టర్ పరిమళ్ నత్వానీ తెలిపారు. అయితే ఈ ప్రాజెక్టుకు అవుతున్న ఖర్చు, ఇతర వివరాలను వెల్లడించడానికి ఆయన నిరాకరించారు. ఈ వెంచర్ కు సంబంధించి అధికారిక వివరాలు వెలువడాల్సి ఉంది.