ప్రపంచంలోనే అత్యంత అందమైన క్రికెట్ స్టేడియం ఇదేనేమో...: ఐసీసీ ట్వీట్!
- బెలూచిస్థాన్ లో ఉన్న గ్వాదర్ గ్రౌండ్
- ప్రస్తుతం నిర్మాణ దశలో ఉన్న స్టేడియం
- చిత్రాలను ట్వీట్ చేసిన ఐసీసీ
ఇండియాకు పొరుగునే ఉన్న బెలూచిస్థాన్ లో గ్వాదర్ క్రికెట్ స్టేడియంను నిర్మిస్తున్నారు. తాజాగా దీని చిత్రాలను షేర్ చేసిన ఐసీసీ, ఈ గ్రౌండ్ కన్నా మరింత అందంగా కనిపించే చిత్రమేదైనా ఉంటే చూద్దామని వ్యాఖ్యానించింది. అంతే... ఈ ట్వీట్ దూసుకెళ్లింది. ఇదే అంతమైన మైదానమంటూ నెటిజన్లు అంటున్నారు.
ఇక దీనిపై స్పందించిన పాక్ దిగ్గజ క్రికెటర్ వసీమ్ అక్రమ్, వరల్డ్ బ్యూటిఫుల్ క్రికెట్ గ్రౌండ్స్ లో ఇది కూడా ఒకటిగా నిలిచి తీరుతుందని కితాబునిచ్చారు. ఒకవైపు ఎత్తయిన పర్వతం, మరోవైపు నగరం, ఇంకోవైపు ఖాళీ స్థలంతో ఉన్న గ్వాదర్ క్రికెట్ స్టేడియం ప్రస్తుతం నిర్మాణ దశలో ఉండగా, భవిష్యత్తులో మరింకెంత అందంగా మారుతుందో!
