బెజవాడ దుర్గమ్మకు వజ్రాలు పొదిగిన ఆభరణాలు సమర్పిస్తున్న ఏపీ మంత్రి
- ముక్కుపుడక, బొట్టు, బులాకీ సమర్పించనున్న వెల్లంపల్లి
- రేపు ఉదయం అమ్మవారికి నివేదన
- ఆభరణాల బరువు 28.380 గ్రాములు
- నగల విలువ రూ.6.50 లక్షలు
విజయవాడ ఇంద్రకీలాద్రిపై కొలువైన కనకదుర్గమ్మకు వజ్రాలు పొదిగన ఆభరణాలు సమర్పిస్తున్నట్టు ఏపీ దేవాదాయ శాఖ మంత్రి వెల్లంపల్లి శ్రీనివాస్ తెలిపారు. వజ్రాలు పొదిగిన ముక్కుపుడక, బొట్టు, బులాకీ అమ్మవారికి అందజేస్తున్నట్టు వివరించారు. రేపు (జనవరి 8) ఈ విలువైన కానుకలను జగన్మాత కనకదుర్గమ్మకు సమర్పిస్తున్నట్టు వెల్లంపల్లి ట్వీట్ చేశారు. వీటి బరువు 28.300 గ్రాములు కాగా, వీటి విలువ రూ.6.50 లక్షలు అని పేర్కొన్నారు. అంతేకాదు, తాను అమ్మవారికి నివేదించే నగల ఫొటోలను కూడా ఆయన పంచుకున్నారు.
