Pfizer: భారత్‌కు కొవిడ్ టీకా అందించేందుకు సిద్ధం: ఫైజర్

  • జర్మనీకి చెందిన బయాన్‌టెక్‌తో కలిసి టీకా అభివృద్ధి
  • యూకేలో వినియోగానికి తాత్కాలిక అనుమతి
  • భారత ప్రభుత్వంతో త్వరలో చర్చలు
pfizer says that it ready to supply covid vaccine to India

భారతదేశానికి కరోనా టీకా అందించేందుకు సిద్ధంగా ఉన్నట్టు అమెరికా ఫార్మారంగ దిగ్గజ సంస్థ ఫైజర్ తెలిపింది. జర్మనీకి చెందిన బయాన్‌టెక్‌తో కలిసి కొవిడ్ టీకాను ఫైజర్ అభివృద్ధి చేసింది. ఈ టీకా వినియోగానికి యూకేలో ఇప్పటికే తాత్కాలిక అనుమతి లభించింది. దీంతో వచ్చే వారం నుంచే అక్కడి ప్రజలకు ఈ టీకా అందుబాటులోకి రానుంది. ఈ నేపథ్యంలో ప్రపంచవ్యాప్తంగా టీకాను సరఫరా చేయాలని భావిస్తున్న ఫైజర్.. పలు దేశాలతో చర్చలు జరుపుతోంది. త్వరలోనే భారత ప్రభుత్వాన్ని కూడా సంప్రదిస్తామని, ఆ దేశానికి కూడా టీకాను అందించాలనుకుంటున్నామని ఫైజర్ చైర్మన్ అల్బర్టా బౌర్లా పేర్కొన్నారు.

More Telugu News