లాక్ డౌన్ తర్వాత విడుదలవుతున్న మొట్టమొదటి సినిమా ఇదే: వర్మ

కాకలుతీరిన ఫిలింమేకర్లు సైతం విస్మయానికి గురయ్యేలా ఎంతో అవలీలగా సినిమాలు తెరకెక్కించడం దర్శకుడు రాంగోపాల్ వర్మ ప్రత్యేకత. సినిమా ప్రకటించిన కొన్నివారాలకే సినిమా ప్రేక్షకుల ముందుకు వచ్చేస్తుంది. తన సినిమాలకు వర్మ ఎలా ప్రచారం చేసుకుంటాడో ప్రత్యేకంగా చెప్పనక్కర్లేదు. ఈ కోవలో తెరకెక్కిందే కరోనా వైరస్ అనే చిత్రం. ప్రస్తుత పరిణామాలను దృష్టిలో ఉంచుకుని తీసిన ఈ చిత్రం డిసెంబరు 11న విడుదల కానుంది. దీనిపై వర్మ స్పందిస్తూ, కరోనా లాక్ డౌన్ తర్వాత థియేటర్లలో ప్రదర్శితం కానున్న మొట్టమొదటి చిత్రం కరోనా వైరస్ అని వెల్లడించారు. ఇది రియల్ లైఫ్ హారర్ చిత్రం అని తెలిపారు. ఈ చిత్రానికి వర్మ శిష్యుడు అగస్త్య మంజు దర్శకత్వం వహించాడు.