ప్రపంచంలోనే అత్యంత ఖరీదైన హ్యాండ్ బ్యాగ్ ఇదే!
- కళ్లుచెదిరే ధరతో బ్యాగు తయారుచేసిన ఇటలీ సంస్థ
- బ్యాగు ఖరీదు రూ.53 కోట్లు
- బ్యాగు తయారీలో మొసలి చర్మం, వజ్రాలు వినియోగం
బోరిని మిలానేసి సంస్థ ఇలాంటివి కేవలం మూడు బ్యాగులు మాత్రమే తయారుచేసిందట. ఈ కళ్లుచెదిరే హ్యాండ్ బ్యాగును మొసలి చర్మంతో తయారుచేశారు. దీనిపై మొత్తం 130 క్యారట్ల వజ్రవైఢూర్యాలు, అరుదైన మరకత మాణిక్యాలు పొదిగారు. తెల్ల బంగారంతో అందమైన సీతాకోకచిలుకలను తయారుచేసి దీనిపై అమర్చారు.
కాగా, ఈ ఖరీదైన హ్యాండ్ బ్యాగులను మహాసముద్రాల కాలుష్యంపై అవగాహన కలిగించడం కోసం తయారుచేసినట్టు బోరిని మిలానేసి సంస్థ వెల్లడించింది. ఈ బ్యాగుల అమ్మకాల ద్వారా వచ్చిన డబ్బును సముద్ర కాలుష్య నివారణకు వినియోగిస్తారట.
