Ramcharan: 'ఆచార్య' షూటింగులో చరణ్ జాయిన్ అయ్యేది ఎప్పుడంటే..!

లాక్ డౌన్ కారణంగా ఎఫెక్ట్ అయిన సినిమాలలో చిరంజీవి నటిస్తున్న 'ఆచార్య' సినిమా కూడా వుంది. లాక్ డౌన్ కి ముందు కొంత షూటింగ్ జరుపుకున్న ఈ చిత్రం గత ఏడు నెలలుగా ముందుకు కదలలేదు. ఇటీవలే ఈ చిత్రం షూటింగును తిరిగి హైదరాబాదులో ప్రారంభించారు. అయితే, హీరో చిరంజీవి ఇంకా షూటింగులో జాయిన్ కాలేదని తెలుస్తోంది. త్వరలోనే ఆయన షూట్ లో చేరతారని భావిస్తున్నారు.

ఇదిలావుంచితే, ఈ సినిమాలో రామ్ చరణ్ కూడా ఓ ప్రత్యేక పాత్ర పోషిస్తున్న సంగతి విదితమే. మరోపక్క, ఆయన 'ఆర్ఆర్ఆర్' సినిమా షూటింగులో బిజీగా ఉన్నందున ఇంకా 'ఆచార్య'లో పాల్గొనలేకపోతున్నారు. అయితే, తాజా సమాచారం ప్రకారం, జనవరి మూడో వారం నుంచి చరణ్ ఈ చిత్రం షూటింగులో జాయిన్ అవుతాడట. అక్కడి నుంచి ఏకబిగిన షూటింగులో పాల్గొని తన పార్ట్ పూర్తిచేస్తాడని అంటున్నారు.

ఇక చిత్రకథానాయిక కాజల్ అగర్వాల్ డిసెంబర్ 5 నుంచి ఈ చిత్రం షూటింగులో పాల్గొంటుంది. చిరంజీవితో వుండే కాంబినేషన్ సన్నివేశాలను ముందుగా చిత్రీకరించడానికి దర్శకుడు కొరటాల శివ ప్లాన్ చేస్తున్నారు.