సినిమా కబుర్లు.. సంక్షిప్త సమాచారం 

*  మహేశ్ బాబు హీరోగా పరశురామ్ దర్శకత్వంలో రూపొందుతున్న 'సర్కారు వారి పాట' చిత్రంలో అనుష్క కీలక పాత్ర పోషించనుందంటూ గత కొన్ని రోజులుగా ఓ వార్త ప్రచారంలో వుంది. అయితే, అందులో వాస్తవం లేదని, అది ఫేక్ న్యూస్ అనీ చిత్రం యూనిట్ పేర్కొంది.
*  ఇటీవల మన సినీ తారలంతా హాలిడే కోసం మాల్దీవులకు క్యూ కడుతున్నారు. ఇప్పటికే పలువురు తారలు అక్కడ సేదదీరుతున్నారు. ఈ క్రమంలో అక్కినేని నాగ చైతన్య, సమంత జంట కూడా తాజాగా మాల్దీవులకు హాలిడే ఎంజాయ్ చేయడం కోసం వెళ్లింది.
*  సతీశ్ వేగేశ్న దర్శకత్వంలో రూపొందుతున్న 'కోతికొమ్మచ్చి' చిత్రం షూటింగ్ ప్రస్తుతం విశాఖపట్నంలో జరుగుతోంది. దీనికి ముందు అమలాపురంలో కొంత షూటింగ్ జరిగింది. మేఘాంశ్ శ్రీహరి, సమీర్ వేగేశ్న ఇందులో హీరోలుగా నటిస్తున్నారు.