Allu Arjun: లైఫ్ లో ఈమాత్రం "ఆహా" ఉండాలి: ఓటీటీ యాడ్ లో అల్లు అర్జున్

కొద్దికాలంలోనే విపరీతమైన ప్రజాదరణ పొందిన 'ఆహా' ఓటీటీ యాప్ గ్రాండ్ రివీల్ ఈవెంట్ ఇటీవలే హైదరాబాద్ లో జరిగింది. 'ఆహా'కు బ్రాండ్ అంబాసిడర్ గా వ్యవహరిస్తున్న అల్లు అర్జున్ తాజాగా ఆ సంస్థ ప్రమోషన్స్ లో భాగంగా ఓ యాడ్ లో నటించాడు. ఈ యాడ్ కు త్రివిక్రమ్ శ్రీనివాస్ దర్శకుడు.

ఇందులో బన్నీ ఓ అమ్మాయి కోసం వాళ్ల ఇంటికి వెళతాడు. ఆ అమ్మాయితో గదిలో ఉండగా వాళ్ల నాన్న (మురళీశర్మ) రావడంతో బన్నీ కప్ బోర్డులో దాక్కుంటాడు. ఆ తర్వాత ఆ అమ్మాయి సోదరుడు కూడా వచ్చి గదిలో చెక్ చేస్తాడు. కానీ బన్నీ కనిపించడు.

వాళ్లిద్దరూ వెళ్లిన తర్వాత ఆ అమ్మాయి... "రాత్రంతా ఎలా కూర్చున్నావు బేబీ" అని అడుగుతుంది. అందుకు బన్నీ "ఆహా యాప్ లో కార్యక్రమాలు చూస్తూ గడిపేశాను" అని జవాబిస్తాడు. "లైఫ్  లో ఈ మాత్రం ఆహా ఉండాలి" అంటూ యాడ్ ను రక్తి కట్టించాడు. యాడ్ కాస్త వాడీవేడిగా ఉండడంతో సోషల్ మీడియాలో బాగా సందడి చేస్తోంది.